| Sogenaamde “toksiese verhoudings”
is so deel van die lewe soos asemhaal. Tussen mans en vroue, vriende,
ouers en kinders. Of jy’t dalk ‘n toksiese verhouding met kos of drank.
En enigeen kan daarin beland, van Benoni tot Hollywood. Die langbaan-sangsensasie
Tina Turner het uit só ‘n erg toksiese verhouding met haar
eertydse man, die musikant Ike, onsnap ndat hy haar emosioneel en
fisiek afgetakel het. Die toksiese verhouding tussen die Amerikaanse
sportster OJ Simpson, wat sy vrou, Nicole Brown, na bewering vermoor
het, is nog ‘n klassieke voorbeeld van hoe dinge kan skeefloop as
jy nie betyds ingryp nie … Baie is al geskryf oor die aktrises Jennifer
Ansiton, Drew Barrymore en Meg Ryan se toksiese verhoudings met hul
ma’s. En dan is daar die voorbeeld van Oprah Winfrey, wat gereeld
vertel hoe sy die afgelope paar jaar toksiese verhouding met kos oorwin
het.
TOKSIES -
VANWAAR DIÉ TERM?
Dr. Rosa Bredekamp, ‘n voorligtingsielkundige van
Durbanville, Kaapstad, sê toksiese verhoudings laat jou soos
die slagoffer van jou omstandighede voel. “Dié verhoudings
is gedurig in ‘n krisis en chaoties. Een party voel altyd verantwoordelik
om die probleem op te los.” Byvoorbeeld: Kinders van ‘n alkohol-verslaafde
ouer voel dikwels verantwoordelik om vir dié ouer te sorg.
“Dit veroorsaak groot woede by die beredderaar - die kind,” sê
Rosa. En in huwelike waar geweld voorkom, is die man gewoonlik die
oortreder en die vrou die slagoffer. In dié verhoudings
|
word geweld dikwels met intimiteit verwar. Gevegte is
dus die enigste manier waarop paartjies “intiem” bymekaar betrokke
is, verduidelik sy. “Die boelie was dikwels as kind self ‘n slagoffer,
wat deur ‘n ouer persoon mishandel of misbruik is. Seksule oortreders
was dikwels self gemolesteer as kind.” Kinders voel dikwels in dié
verhouding verantwoordelik vir die onmin in die huwelik en wil dit
oplos. “Die probleem is dat slagoffers en boelies dikwels geneig is
om mekaar aan te trek en die sogenaamde slagoffer-driehoek teenoor
mekaar uit te speel omdat al die partye (byvoorbeeld kinders as derde
been van die driehoek) uiteindelik slagoffers word. Soms raak hulle |
ook as’t ware ‘verslaaf’ aan die toksiese
verhouding.” Dit lyk asof daar al hoe meer rampspoedige toksiese
verhoudings is as mense na die voorkoms van passie- en gesinsmoorde
kyk. Maar Rosa meen dit was nog altyd deel van die samelewing, maar
dit word die afgelope paar jaar meer uitgelig weens beter navorsing,
mediadekking, ‘n Westerse lewenstyl wat fokus op materiële waardes,
en veranderde gesinswaardes en lewenstyle. In The Giant Puzzle (Stormberg
Publishers, R 115) skryf Alastair van Huyssteen oor hoe mens die trauma
van intieme verhoudings wat besig is om te verbrokkel kan oorleef.
As prokureur was hy die > |
| Spesifieke
raad |
1.
Vriendskap
Gesonde, duidelike grense is fundamenteel in enige verhouding.
As jy weet waar jou vriende die grens trek met gunste, intimiteit
en lenings en jy respekteer dit, dan hoef iets soos byvoorbeeld
om geld te leen nie die vriendskap toksies te maak nie.
2. Kos
“’n Toksiese verhouding met kos beteken jy hanteer die simptome
van ‘n probleem, eerder as die oorsake soos stres, woede ‘n
lae selfbeeld en pyn,” verduidelik Sandy Goldberg, ‘n Kaapse
leefstylkonsultant. “As jy eet, probeer jy dus die onaangename
emosies blokkeer. Toksiese kosverhoudings veroorsaak dikwels
siektes wat aan verkeerde leefstylgewoontes gekoppel word
soos diabetes, hartkwale en hoë bloeddruk. Dit het weer
‘n toksiese uitwerking op mens se gesondheid.” Toksiese verhoudings
met kos is wêreldwyd algemeen. Kyk maar na
|
glanspersoonlikhede soos Kate
Winslet, Oprah en Kirstie Alley oor wie se gewig die media
voortdurend berig. “Die dieetbedryf is groot, wêreldwyd
is vetsug onder volwassenes en kinders ‘n kopseer vir die
Wêreldgesondheidsorganisasie. Dieetsiektes soos bulimie
en anoreksie bevestig ook in watter greep kos die mensdom
het,” sê Sandy.
Haar wenke:
• Probeer vasstel watter
emosies jou laat eet.
• Hou ‘n kosdagboek
• Drink 8 glase water per dag.
• Doen iets wat jou aandag van kos sal aflei.
• Probeer dink aan maniere om jou emosies te verwerk - wat
nié eet behels nie.
• Eet gesonde alternatiewe vir die kos waarna jy smag.
• Moenie jouself té veel ontsê nie, want dan gaan
jy in elk geval later ooreet.
• Kry professionele hulp.
|
|